Diretora 2003-2004







Me. Helena Branca Biavida, FdCC
(2003 - 2004)
a.         Biografia Directora 

Me. Helena Branca Boavida. Moris iha  Uaimanuboe, Gariwai, 24 de Maio 1969. Me Helena nia aman-inan sira: Filomeno Gusmão ho Filomena Xavier. Sira horas nee iha hotu ona lalehan. Me. Helena mak kiik liu (ikun) iha familia Filomeno Gusmão no Filomena Xavier. Sira hamutuk maun – alin nain 7: mane nain haat (4) nebe sei moris hotu no feto tolu (3), nain rua mate. Hau

b.        Formação Intelectual:
Escola Primária         :  Esc. P. Público No. 3 Gariwai, 1979 - 1984
Pré-Secundária          : Esc. Pré-Secundária Católica Missi Baucau, 1984 – 1986
Secundária                : Escola Secundária St. António Baucau, 1986 – 1989
Universidade            : IPI Diploma 3 (tiga),St. Thomas Aquino Dili, 1989 -1993
                                                : IPI  S1 Malang - Indonesia , 1994 - 1996
c.         Experiencia serviço:
·      Remata tiha estudos D3 iha IPI Dili, Me. Helena ajuda iha Comissão Catequetica Diocese Dili hosi tinan 1993 – 1994. No ajuda hanorin mos iha Escola Primária S. Luis Gonzaga Balide.
·      Tinan 1996 – 1998 hanorin iha ICR Dili no Seminário Menor, Tahun Rohani Balide, Dili.

d.        Formação Religiosa:

·      Hahu sente Vocação hodi hola parte iha grupo Vocacional iha tinan 1987 iha Colegio Canossiana Baucau. Depois continua estudos ba Universidade no hela iha Colegio Balide hosi tinan 1989 – 1994. Iha nee mos hau hola parte iha grupo Vocacional durante tinan 5 laran.
·      Hahu tama Postulante tinan 1997 iha Lecidere.
·      Formação Noviciado hosi tinan 1998 -2000 iha Becora.
·      Primeira Profissão: 8 de Setembro 2000 iha Becora
·      Depois de Votos, Me. Helena simu obediência hodi hela iha Comunidade Comoro no ajuda iha Escola Secundária St. Madalena de Canossa – Comoro, nudar Professora Religião no mos nudar Economa Escola hosi tinan 2000 - 2004
·      Tinan 2003 – 2004 nudar Directora da Escola.
·      Tinan 2005 transfere ba Comunidade Becora hodi ajuda mos  iha Secretariado Provincialato Canossiana no fo liman mos iha Formação Noviça sira nian (Professora Catequese).
·      Tinan 2006 – 2007  Me. Helena halao nia preparacão ba Votos Perpetua iha Verona – Italia no mos halo Curso carismatico no Curso Formação ba Formadores iha Roma (Universidade Pontificia Salesiana).
·      Hotu tiha curso, simu obediencia hodi ajuda nafatin iha Secretariado Provincialato no mos iha Noviciado.
·      Hosi Novembro 2007 – Março 2008 simu obediencia hodi halao curso Formação ba Formadores  iha Filipina.
·      Tinan 2008 – 2009, Team Formativo Noviciado no ajuda mos iha Secretariado Provincialato.
·      Fulan October 2009 – Março 2010 continua curso Formação ba Formadores iha Filipina.
·      Tinan 2010 – 2011 nudar Assistente Madre Mestra.
·      Tinan 2012 simu knar nudar Mestra ba Formação Noviça sira nian.

e.         Hau nia aspetativa  ba Escola Secundaria  Canossa:

Iha St. Madalena nia hakerek sira kona serviço caridade nian “Escola Caridade” mak sai fatin  uluk liu no atenção principal no particular ba nia. Ne’e nudar nia modo no atenção ba pessoa humana atu ema bele consciente no haburas liu tan ninia capacidade no serviço hamutuk hodi integra ho ninia fiar rasik. Escola hanesan knar educativo, nebe hatudu expressão Domin Maromak nian nebe hakarak atu ema ida-idak  bele partecipa ba diak hotu nebe moris ne’e apresenta.
Me. Helena hein katak Escola Secundária Canossa ho Celebração tinan sanulu resin lima (15), atu  atenção no empenho liu tan hodi haburas intuição St. Madalena nian nee iha imi nia hanorin, imi nia formação no actividades sira iha ita nia tempo ohin loron iha Timor Leste.
Parabéns Escola Secundária Canossa.....Parabéns ba o nia comemoração tinan sanulu resin lima (15) iha ó nia missão atu Educa, Evangeliza jovens hosi geração oi-oin tuir St. Santa Madalena de Canossa nia fuan. “ Bendito seja Deus pelo fruto do trabalho de tantas mãos! “. Obrigada ba ema hotu nebe tulun,  colabora, contribui ho imi nia an tomak hodi serviço hamutuk ho Madres Canossiana sira  ba promoção no desenvolvimento jovens barak nebe liu iha escola ida ne’e, agradece fuan ho laran liu-liu ba Professores, funcionarios no inan – aman sira nebe hola parte no serviço hamutuk hahu escola ne’e harii too ohin loron.

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel